निष्पक्ष र विश्वसनीय खबरको सँगालो 
Khabar Punja
२ आश्विन २०८१, बिहीबार
पोखरा : गण्डकी प्रदेशमा बिहीबार मात्रै १०२ जनामा कोरोना संक्रमण पुष्टि भएको छ। बिहीबार क्षयरोग उपचार केन्द्र, पोखरा स्वास्थ्य विज्ञान प्रतिष्ठान, पोखरा र चितवन मेडिकल कलेज, चितवनमा गरिएको परीक्षणमा बिहीबारमात्रै १०२ जनामा कोरोना संक्रमण भेटिएको प्रदेश स्वास्थ्य निर्देशनालयले जनाएको छ।
निर्देशनालयले बिहीबार बिहान र दिउँसो गरेर तीन पटक दिएको जानकारी अनुसार २३, ५ र ७४ गरी १०२ जनामा कोरोना पुष्टि भएको हो।
बिहीबार थपिएका संक्रमितमा कास्कीका मात्रै ७४ जना रहेका छन्। त्यस्तै लमजुङमा ५, नवलपरासी (सुस्तापूर्व)मा १२, तनहुँमा ५, बागलुङमा ४, गोरखामा २ जनामा कोरोना पुष्टि भएको प्रदेश स्वास्थ्य निर्देशनालयका निर्देशक डा. विनोदविन्दु शर्माले जानकारी दिनुभयो ।
संक्रमितमध्ये कास्कीका ५ र बागलुङका ३ जना भारतबाट आइ क्वारेन्टिनमा बसेका ब्यक्ति भएको र अन्य कन्ट्याक्ट ट्रेसिङबाट पत्ता लागेको निर्देशक शर्माले जानकारी दिनुभयो ।
