निष्पक्ष र विश्वसनीय खबरको सँगालो 
Khabar Punja
३ फाल्गुन २०८१, आईतवार
दमौली । तनहुँ उद्योग वाणिज्य संघ दमौली बजार इकाईको अधिवेशन तथा साधारणसभा शनिबार हुँदैछ । अधिवेशनले इकाईको नयॉ नेतृत्व चयन गर्नेछ ।
इकाईको नेतृत्वका लागि व्यवसायीले आकांक्षा व्यक्त गर्न थालेका छन् । हालसम्म सभापतिका लागि सुकनारायण मल्लको मात्रै नाम आएको छ । तर शनिबारसम्म सभापतिका अन्य आकांक्षी पनि आउन सक्ने भएकाले चुनाव नै हुने सम्भावना छ ।
उपसभापतिका लागि शेषराज श्रेष्ठ, राजन मियॉ र इन्द्रलाल श्रेष्ठ आकांक्षी छन् । त्यस्तै कोषाध्यक्षका लागि युवराज भण्डारी आकांक्षी छन् । सचिव पद भने सदस्यबाट मनोनित हुने व्यवस्था छ ।
त्यस्तै सदस्यका लागि नारायण सापकोटा, अनिल श्रेष्ठ, अनुप दाहाल लगायत आकांक्षी छन् ।
