निष्पक्ष र विश्वसनीय खबरको सँगालो 
Khabar Punja
१६ चैत्र २०८२, मंगलवार
दमौली, १७ चैत । तनहुँको देवघाट गाउँपालिका–४ काफलडाँडास्थित भित्री सडकखण्डमा आज दिउँसो ट्याक्टर दुर्घटना हुँदा एक जनाको मृत्यु भएको छ ।
मृत्यु हुनेमा देवघाट गाउँपालिका–१ कोटा बस्ने १४ वर्षीय शिवबहादुर गुरुङ रहेको जिल्ला प्रहरी कार्यालय तनहुँले जनाएको छ ।
नारायणगढबाट सिङतान आउँदै गरेको ग १ त १५२३ नम्बरको ट्याक्टर सडकबाट अन्दाजी १५ मिटर तल खस्दा गुरुङको घटनास्थलमै मृत्यु भएको प्रहरी नायब उपरिक्षक श्रवणकुमार विकले जानकारी दिए ।
दुर्घटनामा ट्याक्टर चालक सोही ठाउँ बस्ने ३० वर्षीय विष्णु माझी घाइते भएका छन् । उनको मुख, नाक र छातीमा चोट लागेको छ ।
