निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
तनहुँ : नेपाली काङ्ग्रेसका वरिष्ठ नेता रामचन्द्र पौडेलले आफ्नो दश बुँदे एजेण्डा सार्वजनिक गर्नुभएको छ । काङ्ग्रेसको महाधिवेशन नजिकिदै जाँदा सभापतिका दावेदार पौडेलले आफ्नो दश बुँदे एजेण्डा सार्वजनिक गर्नुभएको हो ।
आफूले नारा मात्रै नलगाएको बताउँदै धेरै कुरा पनि गरेको पौडेलले बताउनुभयो । उहाँले भन्नुभएको छ, “मैले नारा मात्र नलगाएको हो, भन्ने कुरा धेरै भनेको छु, गर्ने काम पनि धेरै गरेको छु । प्रचारको कमि हुन सक्छ ।”
पौडेलले नेपालको वर्तमान संविधान लागु गर्ने, नेपाली काङ्ग्रेसको विधान पालना गर्ने गराउने, नेपालको उन्नतिको बाटो देखाउने, नेपालमा सुशासन लागु गराउने, नेपालको असंलग्नता र तटस्थतालाई बचाउने, नेपाली काङ्ग्रेसलाई नेपाली जनताको भरोसाको केन्द्र बनाउने, कम्युनिष्ट भ्रम र शब्दजालबाट नेपाली जनतालाई मुक्त गराउने, नेपाली जनतामा देशभक्तिको भावना जगाउने, नेपाली संस्कृति परम्परा र नेपाली विशेषताको पहिचान गराउने र नेपाली कांग्रेस विचार शुन्य र दिशा बिहिन छैन भन्ने सावित गराउने आफ्नो एजेण्डा रहेको उल्लेख गर्नुभएको छ ।
