निष्पक्ष र विश्वसनीय खबरको सँगालो 
Khabar Punja
२४ कार्तिक २०८१, आईतवार
काठमाडौं : देशभर पाँच सयभन्दा बढी सक्रिय कोरोना संक्रमित रहेका जिल्लाको संख्या १२ रहेको छ। स्वास्थ्य तथा जनसंख्या मन्त्रालयको पछिल्लो तथ्यांकनुसार मोरङ, सुनसरी, धनुषा, पर्सा, बारा, महोत्तरी, सर्लाही, काठमाडौं, ललितपुर, चितवन, रौतहट र रुपन्देही रहेका छन्।
यसैगरि मुस्ताङ र हुम्लामा सक्रिय संक्रमित शुन्य रहेको मन्त्रालयले जनाएको छ। देशभर आईसीयूमा उपचाररत संक्रमितको संख्या एक सय ३२ रहेको छ। मन्त्रालयका अनुसार प्रदेश-१ मा चार जना, प्रदेश-२ मा ३८ जना, बागमती प्रदेशमा ७० जना, गण्डकी प्रदेशमा तीन र प्रदेश-५ मा १७ जना संक्रमितलाई आईसीयूमा राखेर उपचार भइरहेको छ।
यसैगरि देशभर भेण्टिलेटरमा राखेर उपचार भइरहेका विरामीको संख्या १६ रहेको छ। मन्त्रालयले प्रदेश-१ मा एक जना, बागमती प्रदेशमा १३ जना र प्रदेश-५ मा २ जना संक्रमितलाई भेण्टिलेटरमा राखेर उपचार भइरहेको जनाएको छ ।
