निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
तनहुँ : तनहुँमा मङ्गलबार दुई जनामा कोरोना सङ्क्रमण पुष्टि भएको छ । गण्डकी प्रदेश स्वास्थ्य निर्देशनालयले सार्वजनिक गरेको विवरण अनुसार तनहुँको व्यास नगरपालिका र भानु नगरपालिकाका एक÷एक जनामा सङ्क्रमण पुष्टि भएको हो ।
व्यास नगरपालिका–५ का २३ वर्षीया महिला र भानु नगरपालिका–७ का ५२ वर्षीय पुरुषमा कोरोना सङ्क्रमण पुष्टि भएको स्वास्थ्य निर्देशक डा. विनोदविन्दु शर्माले जानकारी दिनुभयो । तीमध्ये व्यास नगरपालिका–५ का सङ्क्रमित महिला हुलाक सेवा तनहुँका कर्मचारी हुनुहुन्छ ।
त्यस्तै पोखरा महानगरपालिका–७ का २७ वर्षीय पुरुषमा पनि कोरोना सङ्क्रमण पुष्टि भएको छ । उहाँ गरिमा विकास बैङ्क डुम्रे शाखामा कार्यरत रहेको स्वास्थ्य निर्देशक डा. विनोदविन्दु शर्माले जानकारी दिनुभयो ।
सबै सङ्क्रमित व्यक्तिहरुको नमूना सङ्कलन पोखरा स्वास्थ्य विज्ञान प्रतिष्ठान पोखराको प्रयोगशालामा गरिएको छ । जसमध्ये भानु नगरपालिका–७ का ५२ वर्षीय पुरुष सोही अस्पतालको प्रि आइसोलेशनमा रहनुभएको छ ।
