निष्पक्ष र विश्वसनीय खबरको सँगालो 
Khabar Punja
२३ कार्तिक २०८१, शनिबार
तनहुँ : तनहुँको ऑबुखैरेनी गाउँपालिकामा एक जनामा कोरोना सङ्क्रमण पुष्टि भएको छ । स्वास्थ्य निर्देशनालयले मङ्गलबार दिउँसो सार्वजनिक गरेको विवरण अनुसार ऑबुखैरेनी गाउँपालिका-३ का २९ वर्षीय पुरुषमा कोरोना सङ्क्रमण पुष्टि भएको हो ।
ती व्यक्ति जिप चालक रहेको स्वास्थ्य निर्देशनालयका निर्देशक डा. विनोदविन्दु शर्माले जानकारी दिनुभयो ।
मङ्गलबार मात्रै तनहुँको व्यास नगरपालिका र भानु नगरपालिकाका एक/एक जनामा सङ्क्रमण पुष्टि भएको थियो । त्यस्तै पोखरा महानगरपालिका घर भई डुम्रेस्थित बैङ्क कार्यरत एक पुरुषमा पनि कोरोना सङ्क्रमण पुष्टि भएको थियो ।
