निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
तनहुँ : तनहुँ घर भएका दुई जनालाई बुधबार कोरोना सङ्क्रमण पुष्टि भएको छ । गण्डकी प्रदेश स्वास्थ्य निर्देशनालयले सार्वजनिक गरेको विवरण अनुसार व्यास नगरपालिकाका एक पुरुष र शुक्लागण्डकी नगरपालिकाका एक महिलालाई कोरोना सङ्क्रमण पुष्टि भएको हो ।
व्यास नगरपालिका–६ का २४ वर्षीय पुरुष र शुक्लागण्डकी नगरपालिका–१ की २६ वर्षीया महिलालाई कोरोना सङ्क्रमण पुष्टि भएको स्वास्थ्य निर्देशक डा. विनोदविन्दु शर्माले जानकारी दिनुभयो ।
व्यास नगरपालिका–६ का ती पुरुष डोजर व्यवसायी रहेको खुलेको छ । उहाँ पोखरास्थित अमरसिंह चोकमा बसोबास गरिरहनुभएको छ । उहाँले पोखरा स्वास्थ्य विज्ञान प्रतिष्ठानको पे क्लिनिका नमूना परीक्षण गराउनुभएको थियो ।
त्यस्तै शुक्लागण्डकी नगरपालिका–१ की महिला पोखराको अमरसिंह चोकमा रहेको पार्कल्याण्ड अस्पतालमा स्टाफनर्सको रुपमा कार्यरत हुनुहुन्छ ।
