निष्पक्ष र विश्वसनीय खबरको सँगालो 
Khabar Punja
५ जेष्ठ २०८१, शनिबार
तनहुँ : तनहुँको व्यास नगरपालिका-१४ निवासी दुवै मिर्गौला पीडित सन्तोष रानाको उपचारका लागि सोही वडाका अध्यक्ष काजीमान श्रेष्ठले आर्थिक सहयोग गर्नुभएको छ । वडाध्यक्ष श्रेष्ठले मिर्गौलै पीडित रानाका लागि व्यक्तिगत रुपमा रु २० हजार सहयोग गर्नुभएको हो ।
उक्त रकम वडाध्यक्ष श्रेष्ठले पीडितका बुबा जगतबहादुर रानालाई शनिबार हस्तान्तरण गर्नुभयो । मिर्गौला पीडितको जीवनरक्षाका लागि सबैले सक्दो सहयोग गर्नुपर्ने श्रेष्ठले जानकारी दिनुभयो ।
सोही क्रममा मलेसियामा रहेका युवाहरुबाट प्राप्त भएको रु १७ हजार पनि वडाध्यक्ष श्रेष्ठले हस्तान्तरण गर्नुभयो । वैदेशिक रोजगारीका क्रममा मलेसियामा रहेका रिख बहादुर थापा, शेर बहादुर राना, राम राई, सोनाम श्रेष्ठ, अरि बहादुर रानाभाट,सुरज गुरुङ,तेज ना यादव, अमृत परियार र अशोक कुमार यादवबाट सहयोग प्राप्त भएको थियो ।
