निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
काठमाडाै : ठेक्का लिएर तोकिएको समयसम्म पनि मल नल्याएका दुई ठेकेदार कम्पनीलाई कारबाही हुने भएको छ । गत पुसमा ठेक्का लिएर भदौ २० सम्म मल ल्याउने गरी सम्झौता गरेका शैलुङ कन्स्ट्रक्सन कम्पनी र होविको मल्टीपल कम्पनीलाई कारबाही गर्न लागिएको हो ।
ठेक्का सम्झौता गर्ने कृषि सामग्री कम्पनी लिमिटेडको अहिले बैठक बसिररहेको छ । उक्त बैठकले दुवै ठेकेदारको धरौटी जफत गर्ने र कालोसूचीमा राख्ने विषयमा छलफल भइरहको स्रोतले जानकारी दियो । सम्झौता गरेर पनि मल नल्याएका ती ठेकदार कम्पनीको धरौटी जफत गर्ने र कालोसूचीमा राख्न कृषि विकास मन्त्रालयलाई सिफारिस गर्न सक्ने स्रोतको भनाइ छ ।
संस्थानले गत पुसमा वर्षायामको मल आपूर्तिका लागि शारदाप्रसाद अधिकारीको शैलुङ कन्स्ट्रक्सन र होमनाथ कोइरालाको होविको मल्टीपल कम्पनीलाई ठेक्का थिएको थियो । तर, तोकिएको समयसम्म पनि मल नल्याएपछि उनीहरुलाई कारबाही गर्न लागिएको हो ।
