निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
तनहुँ : तनहुँको घिरिङ गाउँपालिका-१ अत्रौलीमा आधारभूत स्वास्थ्य केन्द्रको भवन निर्माण शुरु भएको छ । ग्रामीण भेगका जनतालाई गाउँमै सेवा दिने उदेश्यले स्वास्थ्य केन्द्रको भवन निर्माण शुरु गरिएको हो ।
उक्त भवनको गाउँपालिकाका अध्यक्ष रनबहादुर रानाले शिलान्यास गर्दै समयमै सम्पन्न गर्न आग्रह गर्नुभयो । गाउँमै स्वास्थ्य संस्था नहुँदा सर्वसाधारण स्वास्थ्य सेवा लिन अन्यत्रै जानुपर्ने बाध्यता अब हट्ने रानाको भनाई छ ।
रु २७ लाख ५८ हजारको लागतमा निर्माण हुने भवन मङ्सिर मसान्तभित्र सम्पन्न हुने गाउँपालिकाका सल्लाहकार सुमनकुमार श्रेष्ठले जानकारी दिनुभयो ।
