Khabar Punja

काठमाडौं : सोमवार स्थानीय बजारमा सुनको मूल्य प्रतितोला रू. २०० ले बढेको छ । नेपाल सुनचाँदी व्यवसायी महासंघका अनुसार छापावाला सुनको मूल्य सोमवार अघिल्लो कारोबारको दिन अर्थात् आइतवारको तुलनामा रू. २०० ले बढेर रू. ९७ हजार २०० पुगेको छ । 

आइतवार छापावाला सुन प्रतितोला रू. ९७ हजारमा कारोबार भएको थियो । यस्तै तेजाबी सुनको मूल्यमासमेत प्रतितोला रू. २०० ले वृद्धि भएको छ । आइतवार प्रतितोला रू. ९६ हजार ५०० मा कारोबार भएको तेजाबी सुन सोमवार रू. ९६ हजार ७०० मा कारोबार भएको छ । 

यस्तै चाँदी प्रतितोला रू. ५ रुपैयाँले बढेर रू. एक हजार ३२० मा कारोबार भएको छ । आइतवार चाँदी प्रतितोला रू. एक हजार ३१५ कारोबार भएको थियो ।