निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
तनहुँ : तनहुँको व्यास नगरपालिका–२ बस्ने ५८ वर्षीय टोपबहादुर बराली मादीसेती नदीमा हाम फालेर बुधबार बेपत्ता भएका छन् । व्यास नगरपालिका–१ स्थित छालाफ्याक्ट्री नजिकबाट नदीमा हाम फालेका बरालीको खोजी कार्य शुरु गरिएको प्रहरीले जनाएको छ ।
प्रहरी नायब उपरिक्षक युवराज तिमिल्सिनाले नदीमा हाम फालेको जानकारी पाउनासाथ खोजीकार्य गरिएपनि हालसम्म फेला पर्न नसकेको जानकारी दिनुभयो । हाम फालेको स्थानमा निजको छाता, चस्मा, टोपी र रुमाल भेटिएको छ । निजकी छोरी सरिता बरालीले उक्त सामग्री बुबाको भएको दावी गरेको प्रहरीले जनाएको छ ।
