निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
काठमाडौं : प्रधानमन्त्री केपी शर्मा ओलीले पूर्वजनमुक्ति सेनाका कमान्डरहरूसँग छलफल गर्नुभएकाे छ । ओलीले शनिबार बालुवाटारमा छलफल गरेका हुन् । साे क्रममा प्रधानमन्त्री ओलीले नेतृत्वबाट विगतमा जस्तो धोका नपाउने आश्वासन दिनुभएकाे छ । भेटमा पूर्वजनमुक्ति सेनाहरुको वास्तविक समस्या समाधान गर्ने प्रतिबद्धता जनाएको प्रधानमन्त्रीका प्रेस सल्लाहकार सूर्य थापाले जानकारी दिनुभयाे ।
“जनयुद्धको अवधिमा तपाईंहरूको योगदान, त्याग, बलिदान र क्रान्तिको सपनाप्रति सम्मान छ । नेतृत्वले तपाइँहरूका भावनाको दुरूपयोग गर्यो,’’ “ओलीको भनाइ उद्धृत गर्दै थापाले फेसबुकमा लेख्नुभएकाे छ, “यो तथ्य बुझेर यहाँहरू जुन निष्कर्षमा आइपुग्नुभयो, यो एकदमै सही छ । यसरी आइरहँदा तपाइँहरू ढुक्क हुनुहोस्, हामी राजनीतिक रूपमा समस्याको वास्तविक समाधान गर्छाैं । नेतृत्वबाट विगतमा जस्तो धोका पाउनुहुने छैन ।’’
तस्बिरः प्रधानमन्त्रीको सचिवालय ।
