निष्पक्ष र विश्वसनीय खबरको सँगालो 
Khabar Punja
१० माघ २०८१, शुक्रबार
तनहुँ : तनहुँमा बिहीबार २ सय ९ जनाले कोभिड विरुद्धको खोप लगाएका छन् । कोभिडशिल्ड खोप अभियानको दोस्रो दिन प्राथमिकतामा परेका २ सय ९ जनाले खोप लगाएको गण्डकी प्रदेशको स्वास्थ्य निर्देशनालयले जनाएको छ । पहिलो दिन बुधबार १ सय ४ जनाले खोप लगाएका थिए ।
जिल्ला स्वास्थ्य कार्यालय तनहुँले माघ १९ गतेसम्म जिल्लाका १ हजार ६ सय ७९ स्वास्थ्यकर्मीलाई खोप लगाउँदैछ । खोप लगाउनका लागि दमौलीमा तीन वटा खोप केन्द्र तोकिएको छ ।
स्वास्थ्य कार्यालयका अनुसार सबै स्थानीय तहमा कार्यरत स्वास्थ्यकर्मी, एम्बुलेन्स चालक, सरसफाईकर्मी लगायतलाई यो खोप लगाइँदैछ ।
