निष्पक्ष र विश्वसनीय खबरको सँगालो 
Khabar Punja
२६ बैशाख २०८३, आईतवार
तनहुँ : तनहुँ कारागारका २ सय ६९ जनालाई कोभिड विरुद्धको खोप लगाइएको छ । जिल्ला स्वास्थ्य कार्यालय तनहुँले प्राथमिकता परेका कैदीबन्दी सहित सुरक्षाकर्मीलाई मङ्गलबार कोरोना विरुद्धको खोप लगाएको हो ।
कारागारका २ सय ६० कैदीबन्दी र ९ जना सुरक्षाकर्मीलाई कोभिड विरुद्धको खोप लगाइएको जिल्ला स्वास्थ्य कार्यालय तनहुँका कोल्डचेन असिस्टेन्ट वीरेन्द्रकुमार चौधरीले जानकारी दिनुभयो । “खोप अभियानको सातौ दिनमा प्राथमिकता नम्बर १ को लक्षित समूह नं ८ अन्तर्गत कारागारका कैदीबन्दीलाई खोप लगाइएको हो,” उहाँले भन्नुभयो ।
खोप अभियान अन्तर्गत सोमबारसम्म जिल्लाका दश वटै स्थानीय तहका गरी एक हजार दुई सय पाँच जनालाई खोप लगाइएको थियो । अभियानका क्रममा सरकारी स्वास्थ्य संस्था, निजी स्वास्थ्य संस्था, सरसफाईकर्मी, एम्बुलेन्स चालक लगायतले कोभिड खोप लगाएको स्वास्थ्य कार्यालयले जनाएको छ ।
