निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
तनहुँ : तनहुँको व्यास नगरपालिका–६ बाकुरेखोलास्थित भित्री सडकखण्डमा शुक्रबार साँझ भएको ट्याक्टर दुर्घटनामा एक बालकको मृत्यु भएको छ । साँजाबाट शेखाटारतर्फ आउँदै गरेको ग १ त ३०८३ नम्बरको ट्याक्टर अनियन्त्रित भई पल्टदा ट्याक्टरमा सवार बालकको घटनास्थलमै मृत्यु भएको हो ।
मृत्यु हुनेमा सोही ठाउँ बस्ने ९ वर्षीय सरोज थापा रहेको जिल्ला प्रहरी कार्यालय तनहुँले जनाएको छ । ट्याक्टरको ढालाले च्यापिएर बालकको मृत्यु भएको हो । सडकबाट अन्दाजी तीन सय मिटर तल अनियन्त्रित भई ट्याक्टर पल्टिदा बालकका आमा २७ वर्षीय सरस्वती थापा र ट्याक्टर चालक ४० वर्षीय बुद्धि श्रेष्ठ घाइते भएका छन् । घाइतेहरुको दमौलीस्थित अस्पतालमा उपचार भइरहेको प्रहरीले जनाएको छ ।
