निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
तनहुँ : पृथ्वीराजमार्ग अन्तर्गत तनहुँको आँबुखैरेनी गाउँपालिका–३ मा आइतबार बिहान भारतीय ट्याङ्करको ठक्करबाट मोटरसाइकलमा सवार एक व्यक्तिको मृत्यु भएको छ । मुग्लिङबाट डुम्रेतर्फ आउँदै गरेको ना १९ प ९२४ नम्बरको मोटरसाइकललाई सोही दिशाबाट आइरहेको एनएल ०१ एन २९८६ नम्बरको ट्याङ्करले ठक्कर दिँदा मोटरसाइकलमा सवार ती व्यक्तिको घटनास्थलमै मृत्यु भएको हो ।
ट्याङ्करको ठक्करपश्चात् मोटरसाइकल उछिट्टिएर ग ३ च २०८४ नम्बरको कारमा ठोक्किएको प्रहरीले जनाएको छ । जिल्ला ट्राफिक प्रहरी कार्यालय तनहुँका प्रमुख रेशम रानाभाटका अनुसार मृतकको सनाखत हुन बाँकी रहेको छ । दुर्घटनामा मोटरसाइकल चालक घाइते छन् ।
तस्वीर : निरज श्रेष्ठ
