निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
तनहुँ : पृथ्वीराजमार्ग अन्तर्गत तनहुँको आँबुखैरेनी गाउँपालिका–३ मा आइतबार बिहान भारतीय ट्याङ्करको ठक्करबाट एक जनाको मृत्यु भएको छ भने अर्का एक जना घाइते भएका छन् । मुग्लिङबाट डुम्रेतर्फ आउँदै गरेको ना १९ प ९२४ नम्बरको मोटरसाइकललाई सोही दिशाबाट आइरहेको एनएल ०१ एन २९८६ नम्बरको ट्याङ्करले ठक्कर दिँदा मोटरसाइकलमा सवार एक जनाको घटनास्थलमै मृत्यु भएको हो ।
मृत्यु हुनेमा मध्यनेपाल नगरपालिका–६ भोर्लेटार बस्ने १७ वर्षीया अन्वेषा पौडेल रहेको जिल्ला ट्राफिक प्रहरी कार्यालय तनहुँका प्रमुख रेशम रानाभाटले जानकारी दिनुभयो । दुर्घटनामा चितवनको भरतपुर महानगरपालिका ५१ वर्षीय युवराज घिमिरे सामान्य घाइते भएका छन् ।
ट्याङ्करको ठक्करपश्चात् मोटरसाइकल उछिट्टिएर ग ३ च २०८४ नम्बरको कारमा ठोक्किएको प्रहरीले जनाएको छ ।
