निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
तनहुँ : दुई दिनको अवधिमा तनहुँमा ९ सय २६ जनाले कोभिड विरुद्धको खोप लगाएका छन् । दोस्रो चरणको खोप अभियान अन्तर्गत तनहुँमा सोमबारसम्म कूल लक्ष्यको २८.२ प्रतिशतले खोप लगाएका हुन् ।
तनहुँमा ३ हजार २ सय ८० जनालाई खोप लगाउने लक्ष्य रहेको जिल्ला स्वास्थ्य कार्यालय तनहुँले जनाएको छ । खोप लगाउनका लागि दमौली अस्पताल, जिपी कोइराला श्वासप्रश्वास उपचार केन्द्र र आँबुखैरेनी स्वास्थ्य केन्द्र निर्धारण गरिएको छ ।
सोमबारसम्म ३ सय १५ स्थानीय तहका कर्मचारी÷जनप्रतिनिधि, १३ पत्रकार, ९७ निजामती सेवाका कर्मचारी, १ सय १८ बैङ्क तथा वित्तीय संस्थाका कर्मचारी, ८६ जनपद प्रहरी, १३ सशस्त्र प्रहरी, ७३ संस्थान÷प्राधिकरणका कर्मचारी, ३१ पहिलो चरणमा छुटेका व्यक्तिले खोप लगाएका छन् ।
