निष्पक्ष र विश्वसनीय खबरको सँगालो 
Khabar Punja
१२ आश्विन २०८१, आईतवार
तनहुँ : दोस्रो चरणको खोप अभियान तनहुँ जिल्लामा उत्साहजनक रुपमा सञ्चालन भइरहेको छ । तनहुँ जिल्लाका तीन वटा खोप केन्द्रमा खोप लगाउन जनप्रतिनिधि, कर्मचारी, पत्रकार लगायतको उत्साहजनक उपस्थिति पाइएको हो ।
स्वास्थ्य कार्यालय तनहुँका प्रमुख शङ्करबाबु अधिकारीले कोभिड विरुद्धको खोप लगाउनका लागि उत्साहजनक उपस्थिति रहेको जानकारी दिनुभयो । उहाँका अनुसार दोस्रो चरणमा तीन हजार भन्दा बढीलाई खोप लगाउने कार्यक्रम छ ।
खोप लगाउनका लागि दमौली अस्पताल, जिपी कोइराला श्वासप्रश्वास उपचारकेन्द्र र आँबुखैरेनी स्वास्थ्यचौकीमा खोप केन्द्र कायम गरिएको छ । दमौली अस्पतालमा व्यास, भानु, बन्दीपुर, ऋषिङ र म्याग्दे, जिपी कोइराला उपचार केन्द्रमा शुक्लागण्डकी, भीमाद, घिरिङ र ऋषिङ र आँबुखैरेनीमा आँबुखैरेनी, देवघाट र बन्दीपुरका लक्षित समूहलाई खोप लगाउनेछ ।
