निष्पक्ष र विश्वसनीय खबरको सँगालो 
Khabar Punja
११ आश्विन २०८१, शनिबार
चितवन : नेपाल कम्युनिष्ट पार्टी नेकपाका दाहाल नेपाल पक्षका अध्यक्ष पुष्पकमल दाहालले केही समयभित्रै दलहरु संयुक्त आन्दोलनमा जाने बताउनुभएकाे छ । मंगलबार चितवनमा पत्रकारहरूसँग कुराकानी गर्दै दाहालले नेपाली कांग्रेसका सभापति शेरबहादुर देउवा र जनता समाजवादी पार्टीका नेताहरूसँग संयुक्त आन्दोलनमा जानेबारे छलफल भएको बताउनुभयाे ।
उहाँले भन्नुभयाे ‘आन्दोलन भइराखेको छ। यसलाई सकेसम्म संयुक्त गरौं भन्ने प्रयास भइराखेकै छ। हिजो मैले शेरबहादुर देउवासँग कुरा गरेँ यसलाई संयुक्त बनाऔं भनेर, रामचन्द्र पौडेल र अरू नेतासँग पनि कुरा गरिराखेकै छु । जसपाका नेताहरूसँग पनि कुरा भइराखेकै छ। केही समयभित्र संयुक्त आन्दोलन हुन्छ भन्ने लागेको छ,’ ।
संविधानलाई ट्रयाकमा ल्याउन आन्दोलन गर्नुपरेको उहाँले बताउनुभयाे । ‘चुनाव भयो भने त्यो असंवैधानिक र अलोकतान्त्रिक हुन्छ,’ उहाँले भन्नुभयाे ।
