निष्पक्ष र विश्वसनीय खबरको सँगालो 
Khabar Punja
४ जेष्ठ २०८१, शुक्रबार
पोखरा : नेपाली काँग्रेसका सभापति शेरबहादुर देउवाले आन्दोलनका लागि सडकमा हुलका हुल मान्छे ल्याउन पैसा नभएको बताउनुभएको छ । बिहीबार पोखरामा आयोजित नेपाल मगर सङ्घको गण्डकी प्रदेश सम्मेलनलाई सम्बोधन गर्दै देउवाले संसद् पुनर्स्थापना हुनै पर्छ भनेर काँग्रेसले आन्दोलन गर्न पैसा खर्च गरेर सडकमा मान्छे ल्याउन नसक्ने बताउनुभयो ।
‘सडकमा आन्दोलन गर्नका लागि हुलका हुल मान्छे काँग्रेसले ल्याउन सक्दैन, काँग्रेससँग पैसा छैन,’ काँग्रेस सभापति देउवाले सम्मेलनलाई सम्बोधन गर्दै भन्नुभयो ।
उहॉले संसद् विघटनपछि त्यसका विरुद्ध सर्वोच्च अदालतमा मुद्दा विचाराधीन रहेको भन्दै अदालतले गर्ने निर्णय काँग्रेसलाई मान्य हुनेसमेत बताउनुभयो । ‘अदालतले पुनर्स्थापना भन्यो भने स्वीकार गर्छौँ, चुनाव भन्यो भने पनि स्वीकार गछौं, हामी जुलुस निकालेर दबाब दिएर यसो गर भन्दैनौँ,‘ देउवाले भन्नुभयो ।
