Khabar Punja

तनहुँ : रोटर्याक्ट क्लव अफ दमौलीले शुक्रबार आयोजना गरेको अन्तरविद्यालय हाजिरीजवाफ प्रतियोगितामा व्यास नगरपालिका–४ स्थित आदर्श विद्या गृह प्रथम भएको छ । क्लवले स्व. राममाया राउतको स्मृतिमा आयोजना गरेको दोस्रो रोटर्याक्ट अन्तरविद्यालय हाजिरीजवाफ प्रतियोगितामा आदर्श विद्या गृह प्रथम हुन सफल भएको हो ।

प्रतियोगितामा दमौली उच्च माध्यमिक विद्यालय द्वितीय र बाराही आवासीय माध्यमिक विद्यालय तृतीय भएको छ । प्रथम, द्वितीय र तृतीय हुनेलाई क्रमशः रु एक हजार आठ सय, रु एक हजार दुई सय र रु ६ सय नगद सहित ट्रफी प्रदान गरिएको रोट¥याक्ट क्लवका जोन ३ का सेक्रेटरी विशाल श्रेष्ठले जानकारी दिनुभयो । उहाँका अनुसार प्रतियोगितामा १३ वटा विद्यालयको सहभागिता थियो ।

विद्यार्थीमा रहेको अन्तरनिहित प्रतिभा प्रस्फूटन गर्ने उद्देश्य सहित प्रतियोगिता आयोजना गरिएको क्लवका अध्यक्ष राजकुमार श्रेष्ठले जानकारी दिनुभयो ।