निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
काठमाडाै : सञ्चारकर्मी रवि लामिछानेले नयाँ च्यानल ‘ग्यालेक्सी फोर के टेलिभिजन’ ल्याउने घोषणा गर्नुभएकाे छ । मङ्गलबार होटल म्यारिअटमा पत्रकार सम्मेलन गर्दै लामिछानेले ‘ग्यालेक्सी फोरके’ टेलिभिजनको शुभारम्भ घोषणा गर्नुभएकाे हाे ।
हालै न्युज २४ बाट बाहिरिनुभएका लामिछानेले त्यसलगत्तै नयाँ टेलिभिजन ल्याउने जानकारी दिनुभएकाे थियाे । न्युज २४ मा उनको ‘सिधाकुरा जनतासँग’ कार्यक्रम निकै चर्चित बनेको थियो। लामिछानेले नयाँ टेलिभिजनमा ‘सिधाकुरा’ कार्यक्रम सञ्चालन गर्ने जानकारी दिनुभयाे ।
त्यस्तै टेलिभिजनमा विजयकुमार, राजेश हमाल, दीपकराज गिरी, रमेश प्रसाईं, महावीर पुन लगायतले पनि कार्यक्रम सञ्चालन गर्ने जानकारी दिइयो। टेलिभिजनको अध्यक्षमा डीबी राई, उपाध्यक्ष छविलाल बञ्जाडे र प्रबन्ध निर्देशकमा लामिछाने रहनुभएकाे छ ।
