निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
तनहुँ : तनहुँ रत्न सम्मान पुरस्कार २०७७ बाट प्राडा बुद्धिबहादुर थापा सम्मानित हुने हुनुभएको छ ।तनहुँ सम्पर्क समाज पोखराले यसै वर्षबाट सो पुरस्कार प्रदान गर्ने निर्णय गरेको हो ।
पुरस्कार राशि १० हजार रुपैयाँ र ताम्रपत्र रहेको समाजका अध्यक्ष अम्बिकाप्रसाद भट्टराईले जानकारी दिनुब । समाजको स्थापना भएको दिन फागुन १३ गते (भाेलि) पुरस्कार प्रदान गरिनेछ।
तनहुँबाट पोखरा आई बसोबास गरेका सामाजिक क्षेत्रमा क्रियाशील व्यक्तिलाई समाजले स्थापना गरेको २ लाख रुपैयाँको अक्षयकोषको प्राप्त ब्याजबाट नगदसहित सम्मान गरिने समाजले जनाएको छ ।
प्राडा थापा हाल पोखरा स्वास्थ्य विज्ञान प्रतिष्ठानका उपकुलपति हुनुहुन्छ । शुक्लागण्डकी नगरपालिका-३ वनकेवामा जन्मिनुभएका उहॉ झण्डै ४ दशकदेखि चिकित्सा क्षेत्रमा क्रियाशील हुनुहुन्छ ।
विस २०४१ सालबाट सेवा प्रारम्भ गरेका डा. थापा २०४६ सालदेखि पोखरामा बस्दै आउनुभएको छ । शुक्लागण्डकी ५ बेलचौतारामा रहेको तत्कालीन सेतीगंगा सामुदायिक अस्पताल निर्माण र जिपी कोइराला राष्ट्रिय श्वासप्रश्वास उपचार केन्द्रमा रुपान्तरण गर्नसमेत उहॉले महत्वपूर्ण भूमिका निर्वाह गर्नुभएको थियो ।
