निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
राैतहट : नेकपा प्रचण्ड–माधव समूहका नेता योगेश भट्टराई चढेको गाडीले रौतहटमा एक साइकल यात्रुलाई ठक्कर दिएको छ। आइतबार साँझ जनकपुरबाट हेटौंडा जाँदै गरेको भट्टराई सवार ज १ झ ४२७ नम्बरको गाडीले रौतहटको चन्द्रपुर नगरपालिका-४ स्थित पूर्वपश्चिम राजमार्गमा ठक्कर दिएको हो।
जिल्ला प्रहरी कार्यालय रौतहटका प्रहरी उपरीक्षक (एसपी) सिद्धिविक्रम शाहका अनुसार साँझ सवा ७ बजे ठक्कर दिएको हो। भट्टराई सवार गाडीको ठक्करबाट ५५ वर्षीय इन्द्रप्रसाद घिमिरे घाइते छन्। उनको उपचारका लागि चन्द्रनिगाहपुरस्थित सिभिल अस्पताल लगिएको थियो।
एसपी शाहका अनुसार उनको ढाड र छातीमा चोट देखिएको छ। सिभिल अस्पतालबाट उनलाई काठमाडौं रिफर गरिएको एसपी शाहले बताउनुभयाे।
