काठमाडाै : नेपाली काङ्ग्रेसका वरिष्ठ नेता रामचन्द्र पाैडेलले जनताले काङ्ग्रेसलाई प्रतिपक्षमा बस्ने म्याण्डेट दिएकाे बताउनुभएकाे छ । नेपाल कम्युनिष्ट पार्टी (नेकपा) काे विवादका कारण काङ्ग्रेसमा सरकारमा जाने वा नजाने भन्ने विषय चलिरहेकाे सन्दर्भमा वरिष्ठ नेता पाैडेलले उक्त कुरा सामाजिक सन्जालमार्फत् सार्वजनिक गर्नुभएकाे हाे ।
उहाँले भन्नुभएकाे छ, “नेपाली काङ्ग्रेसलाई जनताले पाँच वर्ष प्रतिपक्षमा बस्ने म्याण्डेट दिएकाले यस समयमा काङ्ग्रेसले प्रतिपक्षमा बस्नु उचित हुन्छ । यद्यपि हामी सानो संख्यामा छौं, तैपनि हाम्रो भूमिका ठूलो छ, हाम्रो जिम्मेवारी ठूलो छ ।” वरिष्ठ नेता पाैडेलले काङ्गग्रेसले हैसियत अनुसारको भूमिका निर्वाह गर्नुपर्ने र यतिबेला विपक्षी दलको सही भूमिका निर्वाह गर्नुपर्नेमा जाेड दिनुभयाे ।