Khabar Punja

तनहुँ : अमेरिकाको हवाई र काठमाडौमा रहेको सामाजिक संस्था अस्ट ज ले तनहुँको व्यास नगरपालिका–५, चुदेरस्थित पद्म प्रावि र व्यास–६, देउराली स्थित देउराली प्राविका विद्यार्थीलाई शैक्षिक सामग्री वितरण गरेको छ । उक्त संस्थाले २६ जना विद्यार्थीहरुलाई विभिन्न शैक्षिक सामग्री वितरण गरेको हो ।

नगरपालिकाका शिक्षा शाखाका प्रमुख नगेन्द्रप्रसाद रेग्मीका अनुसार पद्म प्राविका ९ जना र देउराली प्राविका १७ जना विद्यार्थीलाई शैक्षिक सामग्री वितरण गरिएको छ । शैक्षिक सामग्री वितरण गर्दै व्यास नगरपालिकाका प्रमुख बैकुण्ठ न्यौपानेले शैक्षिक क्षेत्रको विकास अपरिहार्य रहेको चर्चा गर्दै अस्ट ज द्वारा चुदेर र देउरालीमा गरिएको सहयोग प्रशंसनीय रहेको बताउनुभयो ।

सामुदायीक विद्यालयहरुमा विद्यार्थीको आकर्षण घटेको भनेर गुनासो बढिरहेको अवस्थामा यस्ता सामाजिक संस्थाबाट गरिएका सहयोगले अभिभावक र स्थानीयलाई विद्यालयको विकासप्रति सक्रिय र जिम्मेवार बनाएको उहाँले बताउनुभयो ।