निष्पक्ष र विश्वसनीय खबरको सँगालो 
Khabar Punja
२५ बैशाख २०८१, मंगलवार
तनहुँ : विश्व बैङ्कको सहयोगमा तनहुँ जिल्लाको शुक्लागण्डकी नगरपालिकामा रु ५९ करोडको योजना सञ्चालन हुने भएको छ । त्यसका लागि काठमाडौमा शुक्रबार सम्झौता भएको हो ।
दिगो शहरी विकासलाई प्रवद्र्धन गर्न नेपाल शहरी शासकीय र पूर्वाधार आयोजनाले तनहुँको शुक्लागण्डकी नगरपालिकासँग योजना सञ्चालनका लागि सम्झौता गरेको हो । नगरपालिकाका तर्फबाट नगरप्रमुख किसान गुरुङ र शहरी विकास भवन निर्माण विभागका महानिर्देशक नवराज प्याकुरेलले सम्झौतापत्रमा हस्ताक्षर गर्नुभएको छ ।
आयोजनामार्फत् प्राप्त रकमले शुक्लागण्डकीका ग्रामीण भेगका सडक निर्माण तथा सुधार गरिने नगरपालिकाका प्रवक्ता खिमबहादुर कुमालले बताउनुभयो । उहाँका अनुसार दुलेगौडा लामागाउँ मोटरमार्ग, थप्रेक मोटरमार्ग र तिखोले बयाम भुजिकोट मोटरमार्ग निर्माणमा उक्त रकम लगानी गरिने उहाँले जानकारी दिनुभयो । आयोजना सञ्चालनपश्चात् शुक्लागण्डकीको ग्रामीण विकासमा उल्लेखनीय टेवा पुग्ने उहॉले जानकारी दिनुभयो ।
