निष्पक्ष र विश्वसनीय खबरको सँगालो 
Khabar Punja
१४ मंसिर २०८१, शनिबार
तनहुँ : व्यास नगरपालिका–३ स्थित पराशर टोलले तनहुँ कालिका जङ्गल पार्क वरिपरि सरसफाई गरेको छ । जङ्गल प्लाष्टिकका बोत्तल लगायतका फोहरजन्य वस्तुले कुरुप देखिएपछि पराशर टोलवासीले सरसफाई गरेका हुन् ।
तनहुँ जङ्गलपार्क तनहुँवासीको गहना भएकाले यसको संरक्षण एव सरसफाईमा सबै जुट्नु पर्ने टोलका सचिव सुवास गौतमले बताउनुभयो । जङ्गल पार्कमा वनभोजका लागि मानिसहरु आउने तर आफूले गरेको फोहर आफैले व्यवस्थापन नगरिदिँदा पार्क वरिपरिको क्षेत्र फोहर बनेको टोलवासी आकाश अधिकारीले बताउनुभयो ।
टोलले आयोजना गरेको परिवारिक वनभोजका अवसरमा पार्क परिसर एवं पिकनिक क्षेत्र वरिपरि सरसफाइ गरिएको हो । उक्त सरसफाइ कार्यक्रममा जिल्ला समन्वय समितिका प्रमुख शान्तिरमण वाग्ले लगायत टोलवासीको सहभागिता रहेको थियो ।
