निष्पक्ष र विश्वसनीय खबरको सँगालो 
Khabar Punja
९ माघ २०८१, बिहीबार
पाेखरा : ऊर्जा, जलस्रोत तथा सिँचाइमन्त्री टोपबहादुर रायमाझीले मुलुकको विकास र समृद्धिका राजनीतिक स्थिरता र शान्ति आवश्यक पर्ने बताउनुभएकाे छ । कास्कीको रुपा गाउँपालिकाद्वारा स्थानीय तह स्थापनाका अवसरमा आयोजित मूल समारोहको शनिबार उद्घाटन गर्दै उहाँले सरकार सबैखाले चुनौतीको सामना गर्दै अघि बढ्ने बताउनुभयाे ।
मन्त्री रायमाझीले रुपा ताललाई रोजगारीको आधार बनाउनुपर्नेमा जोड दिँदै त्यसका लागि सरकारले रु चार अर्बको लागतमा रुपा परियोजना सञ्चालन गरिएको जानकारी दिनुभयाे । ‘समृद्ध नेपाल, सुखी नेपाली’ अभियानलाई सफल बनाउन सबैको साथ र सहयोग आवश्यकपर्ने बताउँदै उहाँले सरकार सुख्खा जमीनमा सिँचाइको व्यवस्था गरेर उत्पादकत्व वृद्धिमा जोड दिँदै आएको बताउनुभयाे ।
मन्त्री रायमाझीले आफू माओवादी केन्द्रमा नर्फकने बताउँदै एमालेमा फर्केकोमा माधव नेपाल लगायतको समूहलाई स्वागत रहेको बताउनुभयाे । प्रचण्डको समूहबाट आएका माधव नेपाललाई ओलीसँग काम गर्न बाध्यता भएपनि आफूहरुलाई कुनै समस्या नरहेको रायमाझीकाे भनाई थियाे ।
कार्यक्रममा पूर्वमन्त्री एवं प्रतिनिधिसभा सदस्य खगराज अधिकारीले रुपा परियोजनालाई बहुवर्षीय योजनाका रुपमा अघि बढाउनुपर्नेमा जोड दिँदै रुपा गाउँपालिकाको विकासमा आफ्नो तर्फबाट सक्दो सहयोग हुने प्रतिबद्धता व्यक्त गर्नुभयाे ।
