निष्पक्ष र विश्वसनीय खबरको सँगालो 
Khabar Punja
५ फाल्गुन २०८१, मंगलवार
दुलेगौँडा : कवि टिकाराम पौडेलले पहिलो कृती ‘विगत र वर्तमान’ कविता संग्रह बजारमा ल्याउनुभएको छ । पौडेलको ८४ औँ जन्मदिनको अवसरमा मंगलबार कविता संग्रहको विमोचन गरिएको हो ।
दुलेगौँडास्थित पौडेल निवासमा भएको एक कार्यक्रममा गण्डकी प्रदेशसभा सदस्य राजिव पहारीले कविता संग्रहको विमोचन गर्नुभयो । पहारीले मानविय जिवनको अभिव्यक्ति नै साहित्य भएको बताउनुभयो । ‘कविताले मान्छेको समग्र जिवनको शिवालोकन गर्छ’, उहाँले भन्नुभयो । गण्डकी प्रदेश साहित्य, कला र संस्कृतिको उद्गमस्थल भएको उहाँको भनाई छ ।
८४ पुष्ठ लामो कविता संग्रहमा ८४ कविता संग्रहित छन् । शुक्ला साहित्य संगम तनहुँले प्रकाशन गरेको संग्रहमा संस्कृति, संस्कार, विकृती, विसंगतिका विषयलाई समेटिएको छ ।
बुवाको सिर्जनालाई जिवन्त राख्न पुस्तक नै प्रकाशन गरेको छोरा मोतीप्रसाद पौडेलले बताउनुभयो । ‘उहाँले पहिल्यैदेखी कविता लेख्नुहुन्थ्यो । कविता लेख्ने थन्क्याउदै राख्ने । त्यसैलाई पुस्तकको रुप दिईएको हो’, उहाँले भन्नुभयो । कवि पौडेल पुर्व शिक्षक पनि हुनुहुन्छ ।
तस्बिर सौजन्य : राजकुमार आले
