निष्पक्ष र विश्वसनीय खबरको सँगालो 
Khabar Punja
२ असार २०८१, आईतवार
काठमाडौँ : नेकपा एमालेको संसदीय दलको बैठक बिहीबार बस्दैछ । प्रधानमन्त्री केपी शर्मा ओलीले बोलाएको संसदीय दलको बैठक बिहान ११ बजेपछि बालुवाटारमा बस्ने छ ।
तर प्रधानमन्त्री एवं नेकपा एमालेका अध्यक्ष ओलीले बोलाएको पार्टीको संसदीय दलको बैठकमा वरिष्ठ नेता माधवकुमार नेपाल पक्ष भने सहभागी नहुने जनाएको छ ।
बुधबारदेखि सुरु भएको नेपाल पक्षको राष्ट्रिय कार्यकर्ता भेलामा नेता सुरेन्द्र पाण्डेले ओलीले बोलाएको संसदीय दलको बैठकमा सहभागी नहुने जानकारी गराउनुभएको थियो । गत फागुन २८ गते गरेको निर्णय फिर्ता नभएसम्म ओलीले बोलाएको कुनै पनि बैठकमा सहभागी नहुने नेता पाण्डेले बताउनुभयो ।
यसैबिच नेपाल पक्षको राष्ट्रिय कार्यकर्ता भेला बिहीबार पनि हुँदैछ । भेलामा नेता माधवकुमार नेपालले बुधबार कार्यपत्र प्रस्तुत गरेका थिए ।कार्यपत्रमा सामूहिक छलफल भइरहेको छ । भेला बिहीबार नै सकिने छ ।
