निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
तनहुँ : तनहुँको व्यास नगरपालिका–४ निवासी विकास दरै क्यान्सरसँग जुध्दै जीवन र मरणको दोसाँधमा हुनुहुन्छ । आन्द्रामा क्यान्सर भएर विगत केही वर्षदेखि भारतमा उपचाररत दरै एक कुशल फोटोग्राफर हुनुहुन्छ । फोटोग्राफीमा निकै रुची राख्ने उहाँ देशका विभिन्न ठाउँमा पुगेर तस्वीर खिच्ने गर्नुहुन्थ्यो ।
क्यान्सरबाट पीडित भएर उपचारमा आर्थिक अभाव भएपछि उहाँले नै खिचेका तस्वीर विक्री गरेर उपचार खर्च जुटाउन लागिएको छ । दरैले देशका विभिन्न भागमा पुगेर खिच्नुभएको तस्वीरहरुको शुक्रबार दमौलीमा प्रदर्शनी गरिएको छ । “विकासको उपचारमा सहयोग पुगोस् भन्नका लागि तस्वीर बेचेर उपचार खर्च जुटाउन लागेका हौ,” उहाँका साथी सनम अधिकारीले भन्नुभयो ।
