निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
तनहुँ : बैङ्किङ कसुर मुद्दामा दोषी ठहरिएर फरार रहेका एक प्रतिवादीलाई जिल्ला प्रहरी कार्यालय तनहुँले पक्राउ गरेको छ । पक्राउ पर्नेमा भानु नगरपालिका–१२ मिर्लुङ स्थायी घर भएकी २७ वर्षीया आशा थापा अधिकारी रहेकी छन् ।
विगत ९ महिनादेखि फरार रहेकी उनलाई काठमाडौस्थित बुढानिलकण्ठ नगरपालिका–९ बाट पक्राउ गरिएको जिल्ला प्रहरी कार्यालय तनहुँका प्रहरी नायब उपरिक्षक युवराज तिमिल्सिनाले जानकारी दिनुभयो । उनलाई उच्च अदालत पाटतले विसं २०७७ असार १४ गते दुई दिन कैद र रु ६ लाख जरीवानाको फैसला सुनाएको थियो ।
पक्राउ परेकी अधिकारीलाई कैद तथा जरीवाना भुक्तानीका लागि जिल्ला अदालत तनहुँमा उपस्थित गराइएको छ ।
