निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
तनहुँ : गण्डकी प्रदेशका आर्थिक मामिला तथा योजना मन्त्री किरण गुरुङले अब गण्डकी प्रदेशका कुनै गाउँमा खानेपानीको समस्या नरहने बताउनु भएको छ । ‘हामीले खानेपानी पाएनौ भनेर भन्नुपर्ने अवस्था रहेको छैन् । प्रविधीको बिकासको कारणले गर्दा गाउ–गाउँमा खानेपानी पु¥याउन सकिएको छ’, उहाँले भन्नुभयो ।
तनहुँको भिमाद नगरपालिका–५ मिछुर्लुङ्गमा मिछुर्लुङ्ग धरादी खानेपानी आयोजनाको मंगलबार उद्घाटन गर्दै मन्त्री गुरुङले प्रदेश सरकारले प्रदेशका कुनै पनि गाउँबस्तीमा आधारभुत खानेपानीको समस्या हुने छैन् भनेर घोषणा गरेको उल्लेख गर्नुभयो । ‘एक घण्टा बढी समय दिएर पानी ल्याउनुपर्ने बस्ती छन भने त्यहाँ आधारभुत खानेपानीको योजना सञ्चालन गरेर खानेपानी पु¥याउने योजना अगाडी बढाएका छौँ’, उहाँले भन्नुभयो ।
दुई बर्षको अवधीमा त्यस्ता ठाउँको पहिचान गरेर खानेपानी पु¥याउने काम भईरहेको उहाँले जानकारी दिनुभयो । यो कार्यक्रम जारी रहेको उहाँको भनाई छ । मन्त्री गुरुङले पाँच बर्षे कार्यकालमा आधारभुत खानेपानीको कार्यक्रमलाई गति दिने बताउनुभयो ।
भिमाद नगरपालिकाका मेयर मेखबहादुर थापाले स्थानिय सरकारले खानेपानीको काम देखिने गरी गरेको बताउनुभयो ।
उपमेयर शारादा खनालले घर–घरमा खानेपानीको आयोजना सञ्चालन हुदाँ महिलाको दैनिकी नै सहज बन्ने उल्लेख गर्नुभयो ।
धरादीको मुलबाट मिछुर्लुङ्गमा गाउँमा सोलार लिफ्टिङमार्फत पानी तानेर घर–घरै धारा जडान गरिएको छ । यहाँका ७२ घरमा धारा जडान गरिएको उपभोक्ता समितिका अध्यक्ष बाबुराम रानाले जानकारी दिनुभयो ।
६८ लाख ४६ हजार २ सय ४३ रुपैयाँको लागतमा आयोजना सम्पन्न भएको खानेपानी तथा सरसफाई डिभिजन कार्यालय तनहुँका प्रमुख किरण पौडेलले जानकारी दिनुभयो । उहाँका अनुसार यो आयोजनामा गण्डकी प्रदेश सरकारको ५७ लाख ८४ हजार ९ सय ३ रुपैयाँ लगानी छ । घर–घरै धारा जडान हुने भएपछि स्थानिय उपभोक्ताले १० लाख ६१ हजार ३ सय ४० रुपैयाँ बराबरको जनश्रमदान गरेका थिए ।
२०७६ पुस १५ गते सम्पन्न गर्ने लक्ष्यका साथ २०७५ माघ २९ गते सम्झौता भएको थियो । कोभिडको प्रभावले ढिलाई भएको खानेपानी तथा सरसफाई डिभिजन कार्यालयले जनाएको छ ।
