निष्पक्ष र विश्वसनीय खबरको सँगालो 
Khabar Punja
२६ कार्तिक २०८१, मंगलवार
तनहुँ : तनहुँ उद्योग वाणिज्य सङ्घ दमौली बजार इकाईको कोषाध्यक्षमा हर्षमान श्रेष्ठले उम्मेदवारी दिने बताउनुभएको छ । शुक्रबार र शनिबार हुने इकाईको २५ औ साधारणसभा तथा ११ औ अधिवेशनमा श्रेष्ठले कोषाध्यक्षमा उम्मेदवारी दिने घोषणा गर्नुभएको हो ।
लामो समयसम्म तनहुँको दमौलीमा कार्यथलो बनाएर व्यापार व्यवसाय गर्दे आउनुभएका श्रेष्ठले व्यवसायीको हकहितको लागि उम्मेदवारी दिने बताउनुभयो । व्यापार व्यवसाय राज्यको अर्थतन्त्रको मूल मेरुदण्ड भएपनि यसको सहि व्यवस्थापन हुन नसक्दा व्यवसाय धरासायी हुन थालेको उहॉले बताउनुभयो ।
व्यापार, व्यवसाय समृद्ध भएमात्र राज्यको अर्थतन्त्र पनि उकासिने हुँदी त्यसलाई व्यवस्थित गर्नका लागि पनि आफ्नो उम्मेदवारी रहेको उहॉले बताउनुभयो । अव्यवस्थित बजारलाई व्यवस्थित गर्ने, राज्यद्वारा लागु गरिएको कर नीतिलाई व्यवसायीमुखी बनाउने दीर्घकालिन योजना रहेको उहॉले सुनाउनुभयो।
श्रेष्ठ लामो समयदेखि पेय पदार्थ लगायत विभिन्न व्यापार व्यवसायमा संलग्न हुनुहुन्छ ।
