निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
तनहुँ : पृथ्वीराजमार्ग अन्तर्गत तनहुँको व्यास नगरपालिका–१२ पालिङमा बिहीबार बिहान जीप दुर्घटना हुँदा पाँच जना घाइते भएका छन् । दमौलीतर्फ आउँदै गरेको ग ३ च ७०५ नम्बरको जीप अनियन्त्रित भई सडकबाट तल खस्दा जीप चालक सहित पाँच जना घाइते भएको प्रहरीले जनाएको छ ।
सडकबाट खसेको जीप रुखमा अड्किएको थियो । जिल्ला प्रहरी कार्यालय तनहुँका अनुसार बिहान तीन बजे भएको दुर्घटनामा घाइतेको दमौलीस्थित अस्पतालमा उपचार भइरहेको छ ।
तस्वीर : राज पन्थ
