निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
पोखरा : बुधबार गण्डकी प्रदेश सभामा उपस्थित नभई अस्पताल भर्ना हुनुभएका राष्ट्रिय जनमोर्चाका सांसद खिमविक्रम शाहीले अविश्वास प्रस्तावको पक्षमा प्रतिवद्ध रहेको जनाउनुभएको छ ।
बिहीबार विज्ञप्ति जारी गर्दै शाहीले उनीमाथि उठेका आशंका निवारण गर्ने प्रयास गर्नुभएको छ । ‘पार्टीको निर्णय र संसदीय दलको बैठकमा गरिएको निर्णयमा मेरो पनि सहभागिता रहेका कारण ती निर्णयहरुप्रति मेरो पनि सहमति रहेकाले त्यस विषयमा पार्टी निर्णयप्रति प्रतिबद्धता कायमै छ’, उहॉले विज्ञप्तीमा उल्लेख गर्नुभएको छ ।
