निष्पक्ष र विश्वसनीय खबरको सँगालो 
Khabar Punja
२८ कार्तिक २०८१, बिहीबार
तनहुँ : कोरोना सङ्क्रमणबाट तनहुँका थप तीनको मृत्यु भएको छ । स्वास्थ्य निर्देशनालयले सार्वजनिक गरेको विवरण अनुसार व्यासका दुई र शुक्लागण्डकीका एकको कोरोना सङ्क्रमणबाट मृत्यु भएको हो।
व्यास-८ का ६८ वर्षीय पुरुषको पोखरास्थित फिस्टेल अस्पतालमा मृत्यु भएको छ । उहॉमा जेठ ५ गते कोरोना सङ्क्रमण पुष्टि भएको थियो ।
व्यास-६ का ६० वर्षीय पुरुषको गण्डकी मेडिकल कलेजमा मृत्यु भएको छ । उहॉमा वैशाख ३१ गते कोरोना सङ्क्रमण पुष्टि भएको थियो ।
शुक्लागण्डकी-४ का ६५ वर्षीय पुरुषको पश्चिमाञ्चल सामुदायिक अस्पतालमा मृत्यु भएको थियो । उहॉमा जेठ ३ गते कोरोना सङ्क्रमण पुष्टि भएको थियो ।
५४ सङ्क्रमित थपिए
यसैगरी शुक्रबार तनहुँमा ५४ कोरोना सङ्क्रमित थपिएका छन् । थपिएकामध्ये २७ पुरुष र २७ महिला रहेका छन् ।
