निष्पक्ष र विश्वसनीय खबरको सँगालो 
Khabar Punja
७ आश्विन २०८१, मंगलवार
तनहुँ : तनहुँको भिमाद नगरपालिका–३ स्थित बुडुवाखोलामा निर्माण भइरहेको पुलले गति लिएको छ । गण्डकी प्रदेश सरकारको सहयोगमा पुल निर्माण शुरु भएको थियो ।
निषेधाज्ञाको क्रममा पनि स्वास्थ्य मापदण्ड पूरा गरेर पुल निर्माणलाई तीव्रता दिइएको छ । गण्डकी प्रदेशका अर्थमन्त्री किरण गुरुङको पहलमा यहाँ पुल निर्माण भइरहेको छ ।
रु दुई करोड पाँच लाख ५७ हजार एक सय ४४ को लागतमा निर्माण भएको पुल विसं २०७८ असार २७ गतेभित्र सम्पन्न गर्नुपर्ने म्याद छ । पुल निर्माणका लागि विसं २०७७ साउन २८ गते गणेश कुण्ड÷निर्माण सेवा नुवाकोटसँग सम्झौता भएको थियो । पुल १९.८ मिटर लामो हुनेछ । उक्त ठाउँमा पुल नहुँदा वर्षायाममा सर्वसाधारणलाई सास्ती हुँदै आएको स्थानीयवासी पदम ठकुरीले जानकारी दिनुभयो । यस भेगका जनताले वर्षौदेखि खेपेको सास्ती पुल निर्माणपछि निराकरण हुने ठकुरीले बताउनुभयो ।
