निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
तनहुँ : तनहुँ मिडिया नेटवर्कद्वारा सञ्चालित शुक्लागण्डी एफएमका अध्यक्ष पूर्ण श्रेष्ठको निधनप्रति नेपाल पत्रकार महासङ्घ तनहुँ शाखाले दुख व्यक्त गरेको छ । श्रेष्ठको बुधबार हृदयघातका कारण मृत्यु भएको थियो ।
शाखा सचिव प्रताप राना मगरले शोक वक्तव्य प्रकाशित गरी श्रेष्ठको निधनले महासङ्घ स्तब्ध भएको उल्लेख गर्नुभएको छ ।
श्रेष्ठको निधनले तनहुँले संचार क्षेत्रको एक योग्य, कुशल, अनुभवी र जुझारु सञ्चार उद्यमी गुमाएको वक्तव्यमा उल्लेख छ ।शाखाले स्वर्गीय श्रेष्ठप्रति हार्दिक श्रद्धाञ्जली अर्पण गर्दै दिवङ्गत आत्माको चीरशान्तिका कामना गरेको छ ।
