निष्पक्ष र विश्वसनीय खबरको सँगालो 
Khabar Punja
१० माघ २०८१, शुक्रबार
काठमाडाै : प्रतिनिधि सभा विघटनविरुद्ध परेका रिटमाथिको सुनुवाइका लागि प्रधानन्यायाधीश चोलेन्द्र शमशेर जबराको नेतृत्वमा पाँच सदस्यीय संवैधानिक इजलास गठन भएको छ ।
प्रधानन्यायाधीश जबराले आफ्नो नेतृत्वमा न्यायाधीशहरू दीपककुमार कार्की, डा. आनन्दमोहन भट्टराई, तेजबहादुर केसी र वमकुमार श्रेष्ठलाई समेटेर संवैधानिक इजलास गठन गर्नुभएकाे हाे ।
प्रतिनिधि सभा विघटनविरुद्ध परेका रिटमाथि संवैधानिक इजलासमा आजदेखि बहस शुरू हुँदैछ । संवैधानिक इजलासमा सुनुवाइको माग गर्दै दर्ता भएका ११ तथा संविधानको धारा ७६ (५) अनुसारको प्रधानमन्त्री नियुक्तिमा प्रक्रिया नपुगेको भन्दै परेका अन्य १९ रिटमाथि संवैधानिक इजलासमा बहस हुन लागेको हो ।
प्रधानन्यायाधीश जबराको एकल इजलासले बिहीवार प्रतिनिधि सभा विघटन र प्रधानमन्त्री नियुक्तिमा प्रक्रिया नपुगेको भन्दै परेका रिटमाथि सुनुवाई गर्दै संवैधानिक इजलासमा पठाउने आदेश गरेको थियो । अब पाँचजना न्यायाधीश रहेको संवैधानिक इजलासमा सुनुवाइ हुनेछ ।
यसअघि गत वर्षको पुस महिनामा प्रतिनिधि सभा विघटन हुँदा जबराको नेतृत्वमा न्यायाधीशहरू विश्वम्भर श्रेष्ठ, हरिकृष्ण कार्की, अनिल सिन्हा र तेजबहादुर केसी सहितको इजलास गठन भएको थियो ।
