निष्पक्ष र विश्वसनीय खबरको सँगालो 
Khabar Punja
१६ माघ २०८१, बिहीबार
तनहुँ : कोरोना सङ्क्रमणबाट तनहुँका थप तीन जनाको मृत्यु भएको छ । शुक्लागण्डकीका दुई र व्यास नगरपालिकाका एक सङ्क्रमितको पोखरामा मृत्यु भएको हो ।
शुक्लागण्डकी–५ का ५८ वर्षीय पुरुषको गण्डकी मेडिकल कलेजमा मृत्यु भएको छ । उहाँमा जेठ ३ गते कोरोना सङ्क्रमण पुष्टि भएको थियो ।
शुक्लागण्डकी–८ की ५३ वर्षीया महिलाको मणिपाल शिक्षण अस्पतालमा मृत्यु भएको छ । उहाँमा जेठ ९ गते सङ्क्रमण पुष्टि भएको थियो ।
व्यास–७ का ५० वर्षीय पुरुषको मणिपाल शिक्षण अस्पतालमा मृत्यु भएको छ । उहाँमा जेठ ४ गते कोरोना सङ्क्रमण पुष्टि भएको थियो ।
६४ सङ्क्रमित थपिए
यसैगरी तनहुँमा शनिबार ६४ सङ्क्रमित थपिएका छन् । थपिएकामध्ये २५ महिला र ३९ पुरुष छन् ।
