निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
दमौलीः जेसीआई व्यास नगरले गर्भवती, सुत्केरी, अशक्त तथा दुर्घटनामा परेकाका उद्धारका लागि निशुल्क यातायात सेवा दिने भएकाे छ । कोभिड संकटका कारण एम्बुलेन्स नपाएको गुनासो सुनिएका बेला जेसीआई व्यास नगरले निशुल्क यातायात सेवा दिन लागेकाे हाे ।
एम्बुलेन्समा जानका लागि जोखिम देखिएका तथा एम्बुलेन्स नै नपाएर समस्यामा परेकाको सेवाका लागि भन्दै क्लबले शनिबारबाट यो सेवा थालेको अध्यक्ष लक्ष्मीभक्त खनालले जानकारी दिनुभयाे । “मानिसको ज्यान गइरहेको छ, संक्रमित बढिरहेका छन् । ज्यान बचाउन र सुरक्षित अवस्थामा अस्पताल पुर्याउन सेवा थालेका हौं,” उहाँले भन्नुभयाे ।
क्लबका पदाधिकारी अनुप दाहालले आफ्नो साधन निषेधाज्ञा अवधिभर उपलब्ध गराउने प्रतिवद्धता जनाउनुभएकाे छ । प्रशासन र व्यास नगरपालिकाले पनि सेवाका लागि अनुमति दिँदै सघाउने प्रतिवद्धता जनाएको छ ।
क्लबका महासचिव अजर नागिलाले यसका लागि तत्काल क्लब सदस्यबाटै सहयोगको प्रतिवद्धता आए पनि थप शभेच्छुकको साथ अपेक्षा गरेको बताउनुभयाे ।
