निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
पोखरा : लामो रस्साकस्सी पश्चात् गण्डकीमा सत्ताको नेतृत्व गर्ने दल नेपाली कांग्रेसले मन्त्री बन्ने सांसदको नाम टुंगो लगाएको छ । सरकार बनेको डेढ महिनापछी कांग्रेसले पाउने थप ३ मन्त्रालय सम्हाल्ने मन्त्रीको टुंगो लागेको हो ।
स्रोतका अनुसार कांग्रेसबाट स्याङ्जाका मेखलाल श्रेष्ठ, तनहुँका डोबाटे विश्वकर्मा र बागलुङका मणिभद्र शर्मा कँडेल मन्त्री बन्दैछन् ।
यी तिनै जना सांसद समानुपातिक निर्वाचित हुन् । यसअघि गत जेठ २९ गते मुख्यमन्त्री कृष्णचन्द्र नेपाली सङ्गै सपथ लिएका कुमार खड्का पनि समानुपातिक सांसद हुन् । कास्कीका खड्काले अहिले शिक्षा, विज्ञान प्रविधी तथा सामाजिक विकास मन्त्रालय सम्हालेका छन् ।
कांग्रेसले अब पाउने तीन मन्त्रालय भौतिक पूर्वाधार, पर्यटन र कानुन, सञ्चार तथा प्रदेश सभा मामिला हुन् ।
यी तीन मन्त्रालय कसले पाउने भन्ने तय भैसकेको छैन । शुक्रबार १ बजे नवनियुक्त मन्त्रीको सपथ कार्यक्रम तय भएको छ । त्यहाँ नै मन्त्रीहरुको कार्यविभाजन टुंगो लाग्ने स्रोतले बतायो ।
यता, प्रधानमन्त्री तथा कांग्रेस सभापति शेरबहादुर देउवाको ‘आशिर्वाद’ प्राप्त दुइजना सांसद भने मन्त्री नबन्ने भएका छन् । स्रोतका अनुसार कास्कीका विन्दुकुमार थापालाई मन्त्री बनाउन स्वयम् देउवाले नै पहल लिएका थिए । तर, थापा मन्त्री नबन्ने भएका छन् । निकै दबाबबीच मुख्यमन्त्री पोखरेलले शुक्रबार बिहान मात्र कांग्रेसका तर्फबाट मन्त्रिपरिषदमा सहभागी हुनेको नाम टुंग्याएका हुन् ।
दिउँसो १ बजे प्रदेश प्रमुखको निवासमस कांग्रेसका तीनसहित माओवादीका पनि ३ जना मन्त्रीले सपथ लिँदैछन् ।
