निष्पक्ष र विश्वसनीय खबरको सँगालो 
Khabar Punja
१ असार २०८२, सोमबार
पोखरा : नेकपा एमालेका स्थायी कमिटी सदस्य किरण गुरुङले सङ्घीय राज्य प्रणाली र धर्म निरपेक्ष राज्यको विकल्प खोज्नु मुलुकलाई प्रतिगमनको दुष्चक्रमा फसाउने षड्यन्त्र भएको बताएका छन् । विवेकशील साझा पार्टीका संयोजक रविन्द्र मिश्रले सङ्घीयता खारेज गर्दै धर्मनिरपेक्षता गर्न माग गरेको विषयप्रति टिप्पणी गर्दै एमाले नेता गुरुङको यस्तो भनाई आएको हो ।
“वर्तमान सङ्घीय राज्य प्रणाली र धर्म निरपेक्ष राज्यको विकल्प खोज्नु भनेको बहुजातीय, बहुसांस्कृतिक र बहुभाषिक नेपाली समाज एवं भौगोलिक विविधतामा आधारित हाम्रो मुलुकको राष्ट्रिय एकता, सार्वभौमिकता र भौगोलिक अखण्डतालाई कम्जोर बनाएर मुलुकलाई प्रतिगमनको दुष्चक्रमा फँसाउनु हो,” गुरुङले भनेका छन् ।
