निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
दमौली : व्यास नगरपालिका-५ लाई अमेरिकाबाट अक्सिजन कन्सन्ट्रेटर सहयोग प्राप्त भएको छ । हाल अमेरिकामा रहेका विशाल भारतीको सक्रियतामा विदेशमा रहेका नेपालीहरुले रकम संकलन गरि खरिद गरिएको २१ थान अक्सिजन कन्सन्ट्रेटर मध्ये एक थान व्यास- ५ लाई हस्तान्तरण गरिएको हो ।
कन्सन्ट्रेटर ल्याउन सहजिकरण गरेका विशाल केसीले उक्त कन्सन्ट्रेटर मंगलबार वडाध्यक्ष मोहनकुमार श्रेष्ठलाई हस्तान्तरण गरे । कोरोना नियन्त्रणका विभिन्न जिल्लामा अक्सिजन कन्सन्ट्रेटर सहयोग गर्दै आएको बताउदै केसीले एक थान व्यास-५ सहयोग गरिएको बताए ।
वडाध्यक्ष श्रेष्ठले कोरोना नियन्त्रणमा अमेरिकामा रहेका नेपालीहरुले गरेको सहयोग प्रति आभार व्यक्त गरे । हाल पोखरामा रहेका व्यास- ५ का रबि पण्डितले उक्त अक्सिजन कन्सन्ट्रेटर वडा नं ५ मा ल्याउन पहल गरेका थिए ।
