निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
दमौली : हराएको २४ घण्टा भन्दा बढी समय बितिसक्दा पनि व्यास नगरपालिका-६ बाह्रबिसेकी एक बालिका फेला पर्न सकेकी छैनन् । मङ्गलबार बिहान ४ बजेदेखि घरबाटै बेपत्ता १३ वर्षीया स्वस्तिका परियार फेला नपरेकी हुन् ।
ती बालिका बिहान ४ बजे अपरिचित व्यक्तिसँग मोटरसाइकलमा गएको छिमेकीले जनाएका छन् । हराएको २४ घण्टा बितिसक्दा पनि उनको बारेमा केही जानकारी नभएपछि परिवार चिन्तामा परेका छन् ।
बालिकाको बारेमा प्रहरी कार्यालयमा जानकारी आएको र उनको खोजी कार्य भइरहेको प्रहरी नायब उपरिक्षक युवराज तिमिल्सनाले जानकारी दिए । “परिवारको तर्फबाट हामीलाई जानकारीमा आएको छ, खोजी कार्य भइरहेको छ,” उनले भने ।
